Një aksident ka ndodhur mbrëmjen e sotme në aksin rrugor Kalimash-Morinë. Policia bën me dije se një automjet, kamion është përmbysur në rrugë.
Për pasojë ka mbetur i dëmtuar shoferi i saj i cili është transportuar drejt spitalit të Traumës në Tiranë për ndihmë të specializuar mjekësore.
“Rreth orës 21:10, në aksin rrugor Kalimash-Morinë, shtetasi S. G., duke drejtuar automjetin (kamion), ka humbur kontrollin dhe për pasojë kamioni është përmbysur.
Nga aksidenti ka mbetur i dëmtuar drejtuesi i automjetit, shtetasi S. G., banues në Tiranë, i cili po transportohet në Spitalin e Traumës, Tiranë. Grupi hetimor ndodhet në vendngjarje dhe po punon për sqarimin e rrethanave të aksidentit”, thuhet në njoftimin e policisë.
Shfaq Komentet (0)
